كاتی دابەشكردنی ئاردی مانگی ٥ ڕاگەیەنرا
كاتی دابەشكردنی ئاردی مانگی ٥ ڕاگەیەنرا
وەزارەتی بازرگانیی عێراق ڕایگەیاند:
ئامادەكاری دەكرێت بۆ دابەشكردنی بەشی پێنجەمی ئاردی ئەمساڵ، چەندان ئاشی پارێزگاكان لە كوالێتی ئاردەكە ئاگادار كراونەتەوە و چاودێری دەكرێن و کە پێویستە کوالێتییەکەی زۆر باش بێت .
هەروەها وەزارەتەکە ڕایگەیاندووە کە پێویستە ئاردەکە لەگەڵ تایبەتمەندییە ستانداردە پەسەندکراوەکاندا بگونجێت ، واتا شیاوی بەکارهێنان بێت.
بەپێی ئەو دابەشكردنەی هەیە، لە عێراقدا هەر هاووڵاتییەك مانگانە بڕی نۆ كیلۆ ئاردی پێ دەدرێ، بەڵام بەهۆی ناڕێكی و خراپی لە دابەشكردنی، ئێستا مانگی نۆیە تازە بەشە ئاردی مانگی پێنج دابەش دەكرێ.
ئەمڕۆ یەكشەممە وەزارەتی بازرگانی عێراق ئاشکرای کردووە کە ئێستا ٤ ملیۆن فەردە ئارد ئامادەیە بۆ دابەشكردنی بەشە ئاردی مانگی پێنجەمی هاووڵاتییان.
